شاركونا ..........

dr_amira كتب:فى اقسام كتير ذى بعض وممكن ينضموا فى قسم واحد
ذى مثلا قسم الفتيات
او القسم الاسلامى لان مواضيعه كلها بتتكلم عن الشيخ العفاسى طبعا
وبعدين العامل الرئيسى فى نجاح اى منتدى هى الاعلان و ده مش موجود
اعتقد ان المنتدى كله من سيكشن حرف الميم يعنى اصحابكم برضه

m7moud كتب:

المنتدى يا جماعة بقاله حوالي اكتر من سنه و نصف
وفي عدد معقول من الاعضاء داخلين في 600 عضو
ومع ذلك فهو لم ينمو بالحد الكبير
والسبب الرئيسي في هذا التباطأ هو في الاعضاء انفسهم
يعني مش معقول منتدى فيه 600 عضو وميدخلش منهم غير حوالي سته او خمسه
وكمان مش بصفة مستمرة


اما فيما يخص المنتدى نفسه
فانا شايف انه متميز فعلا مقارنة بكتير من المنتديات من حيث المواضيع المطروحة
والمشاركات و الردود
والستايل وخفة و سرعة النسخة والتناسق الجميل بين الالوان
والبوابة المميزة
وكمان اهم ميزة هي الاحترام المتبادل بين الاعضاء
وديه بجد اكتر حاجه عجباني فيه
وافتخر اولا ودائما بسمعة المنتدى الناصعة بين المنتديات


بس ده ميمنعش برده ان في بعض السلبيات
اولها طبعا تكاسل بعض الاعضاء و المشرفين- ولا استثني نفسي-
وكمان اكتر حاجة واضحة ان في مواضيع موجودة في اقسام مش تخصها
وفي اقسام ممكن تندمج مع بعضها واقسام جديدة ممكن ننشئها
ويجب التأكد كل فترة من الروابط القديمة لأن في كتير منها انتهت مدته
وطبعا زي ما قالت الدكتورة اميرة الاعلانات والدعاية مهمة جداا
والمفروض البوابه يتحط فيها مواضيع اكتر وتتجدد باستمرار لأنها عنوان المنتدى
وتعطي الانطباع الاول وهو- كما كان اعتقدادي دائما ولا يزال- اهم انطباع


ديه بس افكار مبدئية عقبال منخلص الامتحانات ونفوق للمنتددى
واسف اني طولت عليكو
مع السلامة بقى

ahmed54 كتب:

يشرفني حرص ادارة المنتدى على تطويره دائما

وانا هبدأ بشوية اقتراحات مبدأية كده

بالنسبة للأقسام المحذوفة:

1- قسم مواهب وابداعات ممكن نحذفه ونحط كل حاجة تبع القسم اللي يخصها يعني مثلا قصيده في قسم الشعر ...رواية في قسم القصص و الروايات وهكذا.

2- قسمي (الميديا الطبية-الكتب و المراجع الطبية) ممكن تتلغي ويتحط كل كتاب في قسم الفرقة اللي تخصه.

3- قسم العاب ال pc ملوش لزمه خالص.

وفي حاجات تانية بقى زي :1-قسم الفتيات كفايه يبقى قسم واحد مش تلاته

2-يتحط مع قسم الفتيان في نفس الساحة و يبقى اسمه مثلا قسم العقول الشابة ويناقش الامور الشبابية و المشاكل اليومية المتعلقة بيهم وسيبك من الازياء و الموضة و الحاجات ديه

3- بالنسبة للقسم الاسلامي فده عايز يتنظم بس شوية

يعني مثلا يكون بالشكل ده(المنتدى العام- القران- السنة- منوعات اسلامية-الاعجاز)

وياريت بلاش حكاية قسم لمشاري مخصوص

mono كتب:أنا بقترح اضافة قسم جديد اسمه * أنا مين* وده قسم هيتكلم فيه أعضاء المنتدى عن نفسهم - حياتهم -أرائهم -رأيهم فى كل حاجة بتحصل حوالينا - ايه تعليقهم على الاحداث-وأقترح ان يتم اختيار موضوع يومى للنقاش

Somebody's Me كتب:ياريت طبعا المنتدى يتطور
وبصراحه اقتراحاتahmed54
انا شايفه ان تقريبا كلها حاجات لازم تتغير خصوصا قسم الفتيات وجميله فكرة العقول الشابه دي

mono كتب:أنا مبسوط والله ان المنتدى رجع نشيط زى الاول تانى