أنت عمري

أنت عمري
كلمات الشاعر : أحمد شفيق كامل
غناء : كوكب الشرق


رجعوني عنيك لأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
قد ايه من عمري قبلك راح وعدّى
يا حبيبي قد ايه من عمري راح
ولا شاف القلب قبلك فرحة واحدة
ولا داق في الدنيا غير طعم الجراح
ابتديت دلوقت بس أحب عمري
ابتديت دلوقت اخاف لا العمر يجري
كل فرحه اشتاقها من قبلك خيالي
التقاها في نور عنيك قلبي وفكري
يا حياة قلبي يا أغلى من حياتي
ليه ما قابلتش هواك يا حبيبي بدري
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
الليالي الحلوه والشوق والمحبة
من زمان والقلب شايلهم عشانك
دوق معايا الحب دوق حبه بحبه
من حنان قلبي اللي طال شوقه لحنانك
هات عنيك تسرح في دنيتهم عنيه
هات ايديك ترتاح للمستهم ايديه
يا حبيبي تعالى وكفاية اللي فاتنا
هو اللي فاتنا يا حبيب الروح شويه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
يا حبيبي تعالى وكفاية اللي فاتنا
هو اللي فاتنا يا حبيب الروح شويه
اللي شفته قبل ما تشوفك عنيه
عمر ضايع يحسبوه إزاي عليّ
انت عمري اللي ابتدي بنورك صباحه
يا أغلى من أيامي
يا أحلى من أحلامي
خدني لحنانك خدني
من الوجود وابعدني
بعيد بعيد أنا وانت
بعيد بعيد وحدينا
ع الحب تصحى أيامنا
ع الشوق تنام ليالينا
صالحت بيك ايامي
سامحت بيك الزمن
نستني بيك آلامي
ونسيت معاك الشجن
ودعوني عنيك للأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي عليّ

[ندعوك للتسجيل في المنتدى أو التعريف بنفسك لمعاينة هذه الصورة]

أرجو ان تستمعوا بقراءة كلمات هذه القصيدة الرومانسية

يبدو انكم من كتر الاستمتاع مقدرتوش تكتبوا ردود !!!!

صح؟

اية الكلام الجميل دة

كلام معبر جدا

وبالنسبة للردود يا محمود

معظم الناس بقى كلامها محدود

وعند ربنا اجرك ممدود

هههههههههههههههه

اية رأيك فى الشعر دة

مين يتحدانى فى الشعر

مشكور يا دكتور على الردود الجميلة ديه

باين عليك شاعر جامد جدااااااااااااا بقى

ياريت نشوفك كتير في قسم الشعر

ان شاء الله

ويا سلام بقة بما انك مشرف الشعر

لو تعمل مسابقة فى الشعر بين الاعضاء

اكيد هكسب

ههههههههههههه

فكرة حلوة

ان شاء الله هنعمل مسابقة

انا فكرت في الفكرة ديه بس قلت نخليها بعد الامتحانات احسن

اولا يادكتورة انا سعيد برأيك و بصراحتك ديه
ثانيا احب اقول لحضرتك ان الشعر ده موهبة من الله يعطيها لمن يشاء
يعني لازم الواحد يكون عنده الموهبة عشان يعرف يكتب شعر بجد وبعدين يدعم موهبته بالتعمق في دراسة الشعر
وانا ممكن اكتب شعر من امثال ما اراه و لكني لن اسميه شعر ابدا لانه ليس قائم
على موهبة او دراسة فكيف لي ادعوه شعرا؟!
ولكن هذا كله لا يمنع ابدا اني احب الشعر الحق من اعماقي وللكلمة الصادقة عندي مذاق خاص فالشعر عندي كلمة تحرك الوجدان.
واذكر في هذا الصدد ان هناك من اضاعوا عمرهم في دراسة فنون الشعر وبحوره واصبحوا علماء في الشعر ولكنهم لم يكتبوا بيتا
واحدا.
اما بالنسبة للاشراف انا لم اسعى اليه ابدا بل تم اختياري من قبل الادارة
وانا سعيد بهذه الثقة الغالية واتمنى ان اكون عند حسن الظن.
و ارى ان الاشراف يتعلق اكثر بالقدرة على الادارة من حيث التنسيق و التنظيم والتفاعل مع المواضيع.
فهل مثلا رئيس قسم الشعر في كليات الاداب يجب ان يكون شاعرا؟
قد يكون ولكنه ليس بالضرورة.
وفيما يخص المسابقة فديه هدفها اكتشاف الواهب اللي اتكلمنا عليها و تشجيعها على الكتابة في سياج من الحب و الود.
وان شاء الله تكون بعد الامتحانات عشان نكون فاضين ليها.
وياريت كله يشارك سواء بقصيدة او برأي
انا عارف ان طولت عليكوا جامد فاعذروني
والسلام ختامي

حلو جدا النقاش دة

وجميل اننا نختلف فى الرأى لكم مش مفروض

نزعل من بعض

وحلوة جدا فكرة المسابقة دى

لو هتنظم موضوع مسابقة يا حودة

يا ريت تسجل اسمى اول واحد مشترك فيها

وان شاء الله تشوفو شعر وقصايد ممتازة

:132: :132::132:

ورجعت حمامة السلام ترفرف من جديد فوق سماء طب فور يو

فين الزعل ده بس ياعم محمود.

انا باحب النقاش جدا وباحب كل واحد يقول رأيه بصراحة

وباتقبل كل الاراء ايا كانت.

وحمامة السلام طول عمرها مرفرفة فوق سماء المنتدى المحترم ده

وان شاء الله تفضل كده علطوووووووووووووووووول.