الرئيسية
بسم الله الرحمن الرحيم
اذا كان المرء منا يحلم بأن يقابل الحب في حياته و أنه يسعي دائمآ للحصول علي هذا المطلب الثمين في شأنه و يحارب العالم بأسره في سبيل الحصول علي هذا الحلم الوردي ، فأني من هنا و من خلال تجاربي التي انتهت جميعها بالفشل التام و الحمد لله أقول له انك واهم وانك تهدر وقتآ طويلآ في سبيل البحث عن سراب ليس له أي اساس من الصحة . طبعآ هتقولوا ده بيتكلم كدة عشان عنده عقدة نفسية من الحب و عشان ده فاشل في جميع تجاربه . عندكم حق انا فعلآ فشلت في جميع تجاربي وأكيد عملت الحكاية دي عقدة نفسية عندي . لكن انا دلوقتي قدرت و الحمد لله افوق شوية و اكتشف اني كنت اضيع وقتي في كلام هايف بس كان الكلام الهايف ده لابد منه خلال مرحلة الجامعة ( زي الناس مبتعمل ) هو انا يعني اللي هكون مختلف !!! لكن اللي عرفته بعد ما خلصت الجامعة و دخلت الجيش و انتقلت لعالم تاني خاااااااااالص ، اكتشفت ان في حاجات اهم من كدة بكتييييييييير تستاهل اهتمامنا اللي احنا بنضيعة في شوية كلام هايف . ده مش بس كلام و لكن وقت و تفكير و حرقة اعصاب علي دم و اللي اهم من ده كلة خسارة فلوس ع الفاضي . ده ممكن الامر يوصل اني احرم نفسي من حاجات كتير عشان قال ايه اوفر و اجيب كارت شحن معفن عشان اكلم ست الحسن و الجمال بالليل وافضل ارغي معاها بكلام انا مش مقتنع بيه خالص و افضل اكذب و اكذب و اكذب عليها عشان الامووووورة ترضي عني ياخي ان شالله عنك ما رضيتي و لا صدقتي ، و اللي انكت من ده كله ان العبيطة بتصدق ( او بتعمل نفسها مصدقة ) وبتقنع نفسها ان الولد ده مش بيضحك عليها او بيستعبطها . ماهي مضطرة تعمل كدة عشان تقلد هي روخرة البنات الي بيسهروا بالليل عشان ترضي غريزتها كأنثي بأنها تحب اللي بيحسسها بأنوثتها اللي هي اصلآ مفتقداها لأن الانوثة كلها ماتت منذ جيل السبعينات جيل فاتن حمامة و مريم فخر الدين و نجلاء فتحي و سعاد حسني و عائشة الكيلاني و الناس السكرة دي . دلوقتي تلاقي برود علي تناكة علي قلاطة علي كذب وده كله ع الفاضي . المشكلة انك تلاقي بنات مسترجلة وبنات عاملين روحهم بنات لكن هما ممكن يكونوا أي حاجة تانية غير انهم يكونوا بنات . بصراحة انا مضايق شوية كتيرة و نفسي افضفض معاكوا . انا كمان اللي استاهل . اصلي متكي عليها ع الاخر وعمللي فيها من زمن الحب الجميل و لابس وش عبدالحليم حافظ والاخلاص مخللص عليا و مش قادر او مش عارف افهم ان البنت لما تديها بالشوز و تنفضلها تموت فيك و تكلمك بكل قلاطة و تقولك قال ايه ( انا حبيت اطمن عليك ) وهيا هتموت و تكلمك بس ميصحش تبين كدة عشان كرامة سعادتها ماتتجرحش ، وهي اصلآ كرامتها دي صلاحيتها انتهت من كتر ما بيزعلوا مع بعض و الولد بكلمة رقيقة منه يحسسها بأنوثتها اللي هيا مفتقداها ترجع تاني زي البوبي . و المشكلة الكلام اللي بيتقال معروف و محفوظ و كلها اسطوانات بتتقال و المشكلة اللي اكبر ان العبيطة بنت العبيطة بتصدق ، الواد يقولها ( ماينفعش اعيش من غيرك ) ( انا مش شايف غيرك حواليا ) يظهر ان من تخنها مش عارف يشوف حد تاني ويقولها ( احنا لازم نحارب و نموت عشان حبنا يعيش ) و العبيطة تقولوا بكل سذاجة ( مسدقاك ياحبيبي ) و الطريقة السحرية اللي بتدوب أي بنت من اقل كلمة ان الواد يقعد لازق فيها راشق عينيه في عينيها حاطط ايده علي ايديها ويقعد يسمع في الكلمتين اللي حفظهم قبل ما( يخش ) عليها وياسلام لو كان المعلم جينتل حبتين و يجيب معاه الدبدوب ( الهدية التقليدية ) اللي مكتوب عليه آي لوف يو يبقي كده يترقي شوية و بدل ما يمسك ايديها يمسك حاجة تانية اكتر تأثير من الايد . نكمل بعدين عشان انا عايز اقعد شوية مع ماما اصل هيا واحشاني لاني لسا جاي من علي الجبهة ( سلام ) .
عدل سابقا من قبل dr_afifi في الأربعاء 29 يوليو 2009, 12:39 pm عدل 1 مرات (السبب : تنسيق الموضوع)
