ازاي نكون حد احسن

السلام عليكم و رحمة الله و بركاته
عايزين ياجماعة تبقي مشاركتنا فعالة و مفيدة
الحمد لله انا واخد دورات في التحكم ف الذات و تطوير النفس و تغيير الاعتقادات السلبية و البرمجة العصبية و طرق فن الاقناع و التأثير و الخطابة، عايز اكون حد مفيد و نشارك بعض ف المجال ده من التنمية البشرية.
اول حاجة ف طرؤيقنا للتغيير ف شخصيتنا هي الابتسااااااااامة.
قال ( ص ) "تبسمك ف وجه اخيك صدقة " و قال الشاعر " كن جميلآ تري الوجود جميلآ " وقال حكيم "بعض الناس يزينون المكان بحضورهم و البعض الاخر يزينونه بانصرافهم"
العبارات دي كلها تحث ع الابتسامة طول الوقت . لان الابتسامة مفعولها سحري و شديدة العدوي ، بمثابة ان تبتسم ف وجه اخيك سرعان ما تنتقل هذه الحالة لديه . حاولو تجربوها.........
مش عايز اطول عليكو لكن انتظرو المزيد بأذن الله
ياريت تبعتو آرائكو و مداخلاتكو ولو في اي مشكلة اقدر احلها بأذن الله

شكرآآآآآآآآآ و السلام عليكم

بجد هيبقى موضوع رائع إن شاء الله

ياريت تكمل يا مستر

اكيد هنستفاد كتير

شكرا ليك يا مستر

منور

حلوه طبعا الابتسامه
وبما انى بحب الضحك على طول
فححكى لكم على قصه ماما قالت هالى امبارح لما شفتنى بضحك بجد
طبعا ماما بصت لى بأستغراب وقالت لى خير الله ما اجعله خير ربنا يستر من الى بعد الضحك و كثرة الضحك تميت القلب و كفايه كده وادخلى نامى
ولما سألتها عن سبب رد فعلها ده كل ما تشوفنا بنضحك جامد
قالت لى و هى صغيرة شويه البيت الى قدامهم كان فيه عائله فى ليله الشارع كله كان بيسمع ضحكهم على مسرحيه ما وصوتهم كان عالى جدا فى الضحك و تانى يوم الاب اتوفى و بقى البيت كله بيصوت و بعديها بأسبوع الام اتوفت و فى نهايه الشهر الاخ تقريبا اتوفى
هههههههههههههه
طبعا انا نمت امبارح وانا قرفانه من الدنيا
ومش بقولكم القصه علشان تقولوا ايه الكأبه دى و لكن للعظه
وادينى برضوا بضحك و ربنا يستر
هههههههههههههههههههههههههههه
على فكره ماما بكلمها ضحكتنى اكتر لانى برضوا مش مقتنعه ان الواحد يخاف من الضحك

هو فى حاجة أحسن من الضحك بس طبعا ميزدش عن حده

السلام عليكم و رحمة الله و بركاته
شكرآ لكل اهتم بالموضوع و رد عليه
بس كنت عايز اقول للدكتور اميرة ان من عادة المصريين لما يشوفو حد بيضحك يخافو و يقلقو مع ان الضحك حاجة حلوة (نصيحة ) حطي الحاجات دي كلها ورا ضهرك و خليكي ع طبيعتك
فالضحك له فوائد صحيه حيث انه يساعد ع تقتيح البشرة و عدم اصابتها بالتجاعيد مبكرآ لانه مسئول عن تحريك عضلات الوجه كلها و طالما في حركة يعني نشاط و طالما في نشاط يعني دم بيجري و طالما في دم بيجري يعني احمرار الوجه و نضرته
يقول العالم امرسون " عندما يدخل شخص سعيد الغرفة يكون كما لو ان شمعة اخري اضيئت "
ده المبدأ الاول في طريقنا لتحسين صورتنا عند الاخرين ( الابتسامه )
الموضوع القادم بأذن الله هيكون عن ( خاطب الناس بأسمائهم بطريقة يحبونها )
اعتو و قولو اقتراحاتكو عن الموضوع ده وسلاااااااااااااااااام

يييييييييييييييييييه
مهو ده برضوا مشكلتى
ولقيت الحل
انى اضحك برحتى فى البيت
لكن بره البيت اكون كئيبه يعنى علشان احافظ على مظهر دكتورة

السلام عليكم و رحمة الله وبركاته
انا لما قلت نضحك ده معنيش انها تبقي فرطانه مننا لكن الابتسامه الخفيفة لازم تكون مرسومة ع وجهنا طول مقابلتنا مع الاخرين ده بيترك اثر ايجابي عند الغير. اعذروني ع تقصيري معاكو بس اصل انا بحضر ورقي للسفر ان شاء ادعولي ربنا يوفقني .
اما عن المبدأ التاني فهو ( خاطب الناس باسمائهم )
فعندما نخاطب الناس بأسمائهم و بألقاب يحبونها فأن ذلك من شأنة ترك اثر ايجابي عند الغير.
المبدأ الثالث و هو اهم مبدأ ( انصت واعط فرصة الكلام للاخرين )
يقول حكيم " اننا نحتاج عامين لتعلم الكلام و اعوااااااام كثيرة لتعلم الصمت "
فالصمت عبارة عن فن و مهارة و ليس من السهولة بمكان ان نعطي فرصة الكلام للاخرين
يقول حكيم " عندما اتكلم فأنا اعرف مسبقآ المعلومات التي لدي ، ولكن عندما انصت فأنا احصل ع المعلومات التي لديك ، و لكي نكون متحدثآ لبقآ تعلم كيف تنصت "
و جرب هذه الخطة عندما يتحدث اليك احد " استمع و لا تقاطع المتحدث ، استمع بأهتمام ، قنم بتوجيه بعض الاسئلة كتعليق ع ما يقول "
ياريت تجربو الطريقة دى لان انتو لو لاحظتو هتلاقو اننا بتلقائية غريبة بنحاول نفرض ع المستمع رأينا " بناخد القعدة علي حسابنا " و مبنديش الغير فرصة انه يعبر عن رأية
ياريت نجرب الاسلوب دة و يا سلااااااام لو مدحنا المتكلم علي كلامه مهما كان من باب المجاملة و عرفو الصح بأسلوب مهذب فأن ذلك له عظييييييييييم الاثر الطيب في نفس المتكلم .
شكرآ ع المتابعة و اشوفكو في اجزاء اخري لنفس الموضوع بأذن الله
سلاااااااااااااااام

اكيد الواحد لما بيسمع لغيره ده بريح اللى قدامه وبيخليه بسمعله

كمان انا سمعت من محاضر انك تسمع اللى قدامك مش علشان ترد عليه
لأ علشان تفهمه وبعد ما يخلص فكر فى الرد

بالطريقة دية هنوفر على نفسنا أخطاء كتير جدا

ربنا يوفقك يا مستر فى موضوع سفرك

بس خليك متواصل معانا

ربنا معاك

شكرا على الموضوع

موضوع رائع ونصايح جميلة يارب نقدلر نطبقها

نصائح فعلا مفيده