الرئيسية
اولا بسم الله الرحمن الرحيم
خلينا نشوف في ايه بصو يا جماعة بجد اكتر من واحد يقولي الكلمتين دول ناقص 15 يوم علي الامتحانات وانا في مواد مفتحتهاش اصلا والي الحل الامثل
اولا روح هات ورقة وقلم
يا عم بجد
انت مجبتش ليه ورقة وقلم يلا قوم
المهم ماشي واديك جبتهم المهم شوف انت انهارده كام في النتيجة
واحسب ناقص اد ايه بالضبط علي الامتحانات
احسبهم بالضبط مش بالتقريب
اكتبهم قدامك في الورقة كا يوم وقدامه تاريخه ولو ي حاجة هتعملها في اليوم ده ملا سكشن او اي حاجة تانية درس او او اكتبه في اليوم قدامه
خلص يا عم بطل كسل اكتبهم كلهم
وجينا للجزء المهم هات ورقة تانية وقسم المواد لاجزاء متساوية يعني مثلا ناقص 10 ايام وعندي مادتين مطلوبين مني يبقي كل ماده هنقسمها ل 5 اجزاء متساويين او علي حسب الصعوبه وهكذا
عملت كده ولا لسة يا عم خلص الموضوع مش محتاج بس متنساش تجيب الكتب وتقسمها علي أساس الموجود فيهم
اوك دلوقتي قسم الاجزاء علي حسب الاهمية والصعوبة من الاهم والاصعب الي الاسهل
وبعدين وزعهم بالتساوي علي الايام وعلي حسب مشاغلك يعني لو انا مشغول ي اليوم الفلاني بحط فيه الجزء السهل من المادة الفلانية ولو فاضي يقي بحط الجزء الصعب المهم من المادة الفلانية
خلاص وزعتهم قوم دلوقتي اتوضا
يا عم قوم متقوليش مشغول ولا مبصليش ولا ولا سيبك من الكلام التافه ه قوم اتوضا وصلي ركعتين وادعي ربنا فيهم وانت ساجد يوفقك علي تنفيذ الجدول اللي انتا عملتو ده ومتنساش اخوك احمد مساعد من دعائك فعندما تدعو لاخيك يدعي لك ملك ويقول لك وله مله
بعد كده روح بوس يد امك وابوك ولو في حد منهم متوفي اقرأ له الفاتحه وادعي له واسألهم الدعاء لك
اوك عملت ده كله روح خد لك دوش كده وفرفش وسم الله وطبق الجزء اللي انت مخصصه للنهارده او من جزء بكره لو مش حاطط حاجه للنهارده تمام كده ونسييييييت اهم حاجة
شوف ايه اللي بيشغلك لو ملا تلفزيون استأذن والدتك مثلا انها تدخله في غرفتها ولو عايزة تتفرج عليه تحط هدفون او اي حاجة طبعا بالادب او قدر الامكات تحذر علي نفسك دخول المكان اللي يه التلفزيون او اي حاجة تشغلك ي فترة قبل الامتحان
تمام كده وبعديين يا حبي ايه رأيك نعمل حوار جميل ايه رايك نغير مكان المذاكرة شيل المكتم من مكان للتاني وبس كده واخر حاجة ادعي لاخوك احمد ساعد وانشر الموضوع في اي مكان
تقدر عليه
